विराटनगर, ४ फागुन ।
विराटनगरका युवा अभियन्ता तथा सामाजिक संस्था विराटनगर जुनियर जेसीस का पुर्वअध्यक्ष समेत रहेका अभिनाश थापा जुनियर जेसीसको राष्ट्रिय संयोजकमा नियुक्त हुुनु भएको छ । थापा देशभरका जुनियर जेसिजको सर्वसम्मत सिफारिस भएसँगै नेपाल जेसीसका राष्ट्रिय अध्यक्ष श्रीधर वस्यालको मनोयनमा संयोजकमा नियुक्त हुनु भएको हो ।
लायन्स क्लव विराटनगर युनाईटेड, पिएन नेपाल जस्तो संस्थावाट युवा सम्मानवाट सम्मानित भईसक्नु भएका थापा एक बर्षको कार्यकाल नेपाल भरका २५ भन्दा वढी जुनियर जेसीज शाखाहरुको नेतृत्वदायी भुमिकामा रहनुहुनेछ । ‘यस उपलब्धिले म निकै हर्षित भएको छु, थापाले भन्नुभयो, विराटनगरको लागि पनि यो गर्वको कुरा हो ।’
आवर बिराटनगर डट नेटसँग कुरागर्दै थापाले आगामी दिनमा आफ्नो कार्यकाललाई सफल बनाउन जेसिजको भुमिकालाई थप प्रभावकारी बनाउने बताउनुभयो ।
