विराटनगर , ५ फाल्गुन ।
नगर विकास कोषले ऋणप्रवाह गरेका देशभरिका नगर मध्ये विराटनगर महानगरपालिका उत्कृष्ठ महानगरको रुपमा परेको छ । कोषको लगानीमा निर्माण भएका आयोजनाहरुको सफल कार्यान्वयन, सञ्चालन तथा व्यवस्थापन गर्न सकेको भन्दै विराटनगर महानगर पुरस्कृत भएको हो । कोषले विराटनगर महानगरलाई सम्मान समेत गरेको छ। 
कोषले विराटनगर महानगर सहित भरतपुर महानगर, शिद्धार्थ नगरपालिका र धरान नगरपालिकालाई समेत सम्मान गरेको छ । यी शहरहरुमा नगर कोषले ऋण प्रवाह गरेको छ । विराटनगरको बसस्टेन्ड निर्माणका लागि ८ करोड ४७ लाख रुपैया र सडक क्षेत्रको विकास निर्माणका लागि पनि कोषले कुल लगानीको ११ प्रतिशत रकम लगानी गरेको छ । कोषको लगानीमा निर्माण भएका आयोजनाहरुको सफल कार्यान्वयन, सञ्चालन तथा व्यवस्थापन गर्न सकेको भन्दै महानगर पुरस्कृत भएको विराटनगर महानगरका मेयर भीम पराजुलीले जानकारी दिनुभयो ।
