विराटनगर, फागुन १५, बिराटनगरको महेन्द्र मोरङ क्याम्पसले स्नातकोत्तर व्यावस्थापन संकाय (एमबीएस)मा शुल्कबृद्धि गरेको भन्दै विद्यार्थी संगठनले विरोध जनाएका छन् ।
यसपटकबाट सेमेस्टर प्रणालीबाट अध्यापन सुरु भए लगत्तै शुल्क वृद्धि गरेको भन्दै अखिल क्रान्तिकारी र नेपाल विद्यार्थी संघले विरोध जनाएको हो ।अखिल क्रान्तिकारी महेन्द्र मोरङ क्याम्पस इकाई अध्यक्ष अभिमन्यू यादव र नेविसंघका प्रतिनिधि अम्बर थापाले विज्ञप्ति जारी गर्दै शुल्क बृद्धि फिर्ता गर्न माग गरेका छन्
सेमेस्टर प्रणाली लागू भएपनि तीन ५० प्रतिशत शुल्क वृद्धि भएको विद्यार्थीहरुले गुनासो गरेका छन् । उक्त कोर्सलाई बार्षिक १२ हजार शुल्क पर्ने भएपनि सेमेस्टर प्रणाली सुरु भएपछि बार्षिक ४० हजार भन्दाबढी शुल्क तोक्ने तयारी गरेकाले विरोध गर्नु परेको नेपाल विद्यार्थी संघका अम्बर खडकाले जानकारी दिए ।
