बझाङ, फागुन ३० । बझाङमा जीप दुर्घटना हुँदा २ जना महिलाको ज्यान गएको छ । र्घटनामा छविसपाथीभेरा गाउँपालिका–५, की ५२ वर्षीय सोनकोसा जाग्री र ४८ वर्षीय रुद्रा जाग्रीको ज्यान गएको प्रहरीले जनाएको छ । बुधबार बिहान छविसपाथीभेराको ब्याँसी थलाराबाट भाँडे बजारतर्फ आउँदै गरेको से १ ज ६१५ नम्बरको जीप नेटारेल्यामाटी भन्ने ठाउँमा दुर्घटना भएको प्रहरीले जनाएको छ ।
दुर्घटनामा २ जना गम्भीर घाइते भएका छन् । घाइते हुनेका छविसपाथीभेरा–५, कै जमान धामी र देबराज जाग्री रहेको प्रहरीले जानकारी गराएका छन् ।
घाइते दुवै जनाको अवस्था चिन्ताजनक रहेको प्रहरीले जनाएको छ । घाइतेलाई उपचारका लागि अस्पताल ल्याउने काम भैरहेको छ । दुर्घटनाको कारण खुल्न सकेको छैन् ।
