काठमाडौं, १ चैत । काठमाडौंको गौशालामा गोली चलाएको आरोपमा गुण्डा नाइके गणेश लामा पक्राउ परेका छन् ।
काभ्रेको रोशी गाउँपालिकाका लामालाई बुधबार राति प्रहरीले होटल पशुपति भिजन नजिकैबाट पक्राउ गरेको हो । गोली कसलाई र किन चलाएको भन्ने बारे केही खुलेको छैन । लामालाई हिरासतमा राखेर अनुसन्धान भइरहेको काठमाडौं प्रहरी परिसरले जनाएको छ । उनको साथबाट पेस्तोलसमेत प्रहरीले बरामद गरेको छ । लामालाई कांग्रेसले काभ्रे क्षेत्र नम्बर १ ‘ख’ बाट प्रदेशसभा सदस्यको उम्मेदवार बनाएको थियो ।
