काठमाडौं, २ चैत । शुक्रबार नेपाली राष्ट्रिय महिला खेलाडी साबित्री भण्डारी र अनिता बस्नेत मल्दिभ्समा हुने महिला फुटसल लिग खेल्न गएका छन् । उनीहरुले त्यहाँको पुलिस क्लबबाट फुटसल खेल्नेछन् ।
उनीहरुले यसअघि पनि माल्दिभ्सबाट फुटसल खेलिसकेका छन् । अघिल्लो संस्करणमा राम्रो प्रदर्शन गरेकाले यसपटक पनि उनीहरुले मौका पाएका हुन् । सशस्त्र प्रहरी बल एपीएफका सदस्य रहेका उनीहरु शुक्रबार एयर इन्डियामार्फत त्यसतर्फ गएका हुन् ।
