दैलेख, ५ चैत । दैलेखको नौमूल गाउँपालिका अध्यक्ष भदे बुढाको फोन महिलाले उठाउन थालेपछि सेवाग्राही अचम्ममा परेका छन् । गाउँपालिकाको वेभसाइटमा राखिएको अध्यक्षको फोन नम्बर ९८१५४४३६६६ मा फोन लगाउँदा सधै महिलाले उठाउने गरेकी छिन् ।
यसबारेमा ठूलै चर्चा हुन थालेपछि गाउँपालिकामा बुझ्दा अध्यक्षको फोन नम्बर ९८१५४४३६६६ हुनु पर्नेमा अन्यथा भएको पाइएको छ । गाउँपालिकाका प्रमुख प्रशासकीय अधिकृत सन्तोष ढुंगानाले पनि त्रुटि भएको स्वीकार गर्नुभयो ।
तर गाउँपालिकाले गल्ति स्वीकार गरे पनि फोन नम्बर भने परिवर्तन गरेको छैन । गाउँपालिकाको गम्भीर त्रुटिका कारण सुनसरी निवासी एक महिलालाई दिनकै फोन आउन थालेपछि हैरानी भएको छ । ‘अध्यक्षज्यूलाई फोन दिनुस् भन्दै दिनहु १०–१५ वटा फोन आउँछ’ पीडित महिलाले भन्नुभयो, यसबारे गाउँपालिकामा गुनासो गर्दा पनि कुनै सुनुवाई भएन ।’
