मोरङको पथरीशनिश्चरे नगरपालिका-१ र २ मा खुकुरी प्रहारबाट दुई जना घाइते भएका छन्। पथरीशनिश्चरे नगरपालिका-१ मा १९ बर्षिय अशोक बराईलीले मादक पदार्थ सेवन गरी आफ्नै १४ बर्षिय भाइ नबिन बराईलीलाई खुकुरी प्रहार गरेका हुन्। बेलुका ८ सामान्य विवाद पश्चात खुकुरी प्रहारबाट हातमा चोट लागेका नबिनको पथरी अस्पताल पथरीमा उपचार भरहेको छ भने खुकुरी प्रहार गर्ने दाजु इलाका प्रहरी कार्यालय पथरीको नियन्त्रणमा छन्। यस्तै पथरीशनिश्चरे नगरपालिका-२ बाँसघारी टोल बस्ने १९ बर्षिय हाङसुहाङ लिम्बु समेत खुकुरी प्रहारबाट घाइते भएका छन्। उनलाई उर्लाबारी नगरपालिका-३ बस्ने २२ बर्षिय प्रहलाद लिम्बुले बेलुका ९ बजे सामान्य बिबाद हुँदा खुकुरी प्रहार गरेका थिए। खुकुरी प्रहारबाट शरिरको विभिन्न भागमा चोट लागेका लिम्बुको मंगलबारे अस्पताल मंगलबारेमा उपचार भइरहेको छ भने खुकुरी प्रहार गर्ने प्रहलाद इलाका प्रहरी कार्यालय पथरीको नियन्त्रणमा छन्।
