बिराटनगर चैत्र २९ , विराटनगरमा पहिलोपटक एक दिवसीय विराट क्रिकेट कप २०७५ प्रतियोगिता आयोजना गरिने भएको छ ।
पूर्वाञ्चल क्रिकेट एकेडेमीको आयोजना तथा पूर्व राष्ट्रिय खेलाडीहरु नरेश श्रेष्ठ र युनिल श्रेष्ठको पहलमा पहिलोपटक एक दिवसीय क्रिकेट प्रतियोगिता आयोजना गर्न लागिएको हो । नेपालले आइसीसीबाट वानडे मान्यता पाएपछि प्रतियोगिताको फर्म्याट ५० ओवरको गराउन लागिएको आयोजक युनिल श्रेष्ठले आवर बिराटनगरलाई जानकारी दिए । साथै सेमीफाइनल देखिका खेल डे नाइट खेलाइने पनि श्रेष्ठले बताए ।
प्रतियोगिता वैशाख २७ देखि विराटनगरस्थित नेपाल पुलिसको तालिम केन्द्रको खेल मैदानमा हुनेछ । प्रतियोगितामा ८ टिमको सहभागिता रहने आयोजकले जनाएको छ । प्रतियोगिता लिग कम नकआउटका आधारमा हुनेछ। प्रतियोगिताको बिजेताले १२ लाख र फस्ट रनरअपले ८ लाख पाउने श्रेष्ठले बताए ।
प्रतियोगितामा सामेल टिम :
बिराटनगर टाइटन्स , चितवन क्याम्प , नेपालगंज नैग्ट्स , धनगडी रोयल्स , झापा किंग्स , सुनसरी लायन्स , काठमाडौं राइडर्स र भैरहवा वारियर्स रहेका छन् ।
