विराटनगर, ३० चैत । गोली प्रहारबाट घाइते धर्मगुरु श्रीनिवासाचार्यलाई बलिउड अभिनेत्री मनिषा कोइरालाले भेटेकी छन् । विराटनगरस्थित न्यूरो अस्पतालमा उपचाररत श्रीनिवासाचार्यलाई बुधबार राति मनिषाले भेटेकी हुन् । अभिनेत्री कोइरालासँगै उनका पिता प्रकाश कोइराला, आमा सुष्मा कोइराला श्रीनिवासाचार्यको स्वास्थ्य अवस्थाबारे जानकारी लिन अस्पताल पुगेका थिए । मनिषाले घटनाप्रति दुःख व्यक्त गर्दै श्रीनिवासाचार्यको स्वास्थ्यलाभको कामना गरेकी थिइन् । उनले दोषीलाई तत्काल कारबाहीको दायरामा ल्याउनुपर्ने मागसमेत गरिन् ।
आईतवार राती गोली प्रहारबाट गम्भीर घाइते भएका निवासाचार्यको न्युरो अस्पतालमा उपचार भईरहेको छ। उहाँको अहिले अबस्था सुधारोन्मुख रहेको छ। निवासाचार्यलाई भेट्नको लागि मन्त्री, स्थानीइ तहका जन प्रतिनिधिहरु समेत पुगेका थिए।
