अहिले झरना अवलोकन गर्न हरेक शनिबार एक हजारभन्दा बढी र अरु दिन पाँच सयभन्दा बढी पर्यटक पुग्ने गर्दछन् ।
नयाँ बर्षको पहिलो र दोस्रो दिनमा मात्रै करीब बीस हजारले अबलोकन गरेको झरना व्यवस्थापन समितिका अध्यक्ष दिलिप सुब्बाले जानकारी दिए ।
कोशी राजमार्गदेखि ३० मिनेटको पैदल यात्रामा पुग्न सकिने झरना करीब ८० मिटर माथिबाट खस्दछ ।
झरनासम्म पुग्न पर्यटन पूर्वाधार कार्यालय काँकडभिट्टा, जिल्ला समन्वय समिति, साँगुरीगढी गाउँपालिका, वडा कार्यालय र स्थानीय वासिन्दाले श्रमदान गरी पूर्वाधार निर्माण गरेका छन् ।
नमस्ते झरनासम्म पुग्न पुल, बाटो, शौचालय, रेलिङ्ग, चेन्जीङ्गरुम, गेटलगायतका पूर्वाधार बनाइएको छ ।
