विराटनगर, ३ बैशाख ।
विराटनगरमा रहेको भारतीय दुतावास सम्पर्क कार्यालयलाई लक्षित बम विस्फोट भएको छ । विराटनगर महानगरपालिका वडा नम्बर १३ मुख्य सडकमा रहेको सप्मर्क क्याम्पलाई लक्षित गरि बिस्फोट भएको हो । विस्फोटका कारण कयाम्पको पछाडीको वालमा सामान्य क्षती भएको जिल्ला प्रहरी कार्यालय मोरङका प्रहरी उपरिक्षक अरुण कुमार बिसीले जानकारी दिए । क्याम्पको खाली जग्गामा तर्साउने गरि गराईएको बिस्फोट भनिएपनि प्रेसरकुकर बम रहेको प्रहरीले आशंका गरेको छ । तर बम राख्नाको कारण र कसले बम राखेको हो भन्ने बारेमा खोजी भईरहेको प्रहरी उपरिक्षक बिसीले जानकारी दिए । घटना स्थलमा अहिले ब्यापक प्रहरी परिचालित गरिएको छ । घटना बारेमा अनुसन्धान भईरहेको प्रहरीले जनाएको छ ।
