काठमाडौं, बैशाख ५ । १७ वर्षीय बेलायती विद्यार्थी डिमट्रि टरटिचिनमीले सगरमाथा आरोहण गर्ने भएका छन् ।
ग्लोबल एक्स नेपालको पर्यटन दूतसमेत रहेका उनी सगरमाथा आरोहणसँगै युरोप र रुसका सबैभन्दा कम उमेरका आरोही विद्यार्थी घोषित हुनेछन् ।
उनले १२ वर्षको उमेरबाट हिमाल आरोहणको यात्रा शुरु गरेका हुन् ।
सगरमाथा आरोहण गर्नुअघि आज काठमाडौंमा पत्रकार सम्मेलन गरी उनले अफ्रिका, युरोप र एसियाका उच्च शिखरमध्ये ६ वटा आरोहण गरी सकेको बताए ।
हिमाल आरोहण गरेर प्राप्त रकम उनले नेपालका बालबालिकाको शिक्षामा खर्च गर्ने घोषणा गरेका छन् ।
ग्लोबल एक्सन नेपालका निर्देशक बाबुकाजी श्रेष्ठले नेपालका ग्रामीण क्षेत्रका शिक्षाबाट बन्चित विद्यार्थीका लागि खर्च गर्ने योजना रहेको बताए ।
हिमाल आरोहणमा १७ वर्षिय विद्यार्थीसहित २० जनाको टोली सहभागी हुने छ । उनीहरु बिहीबार हिमाल आरोहणमा जाने छन् ।
