दुहवी, वैशाख ७। सुनसरीको दुहवी नगरपालिकास्थित पशुवधशाला र भेटनरी पसलहरुमा अनुगमन गरिएको छ ।
दुहवी नगरपालिकाकी उपमेयर सुनिता दाहाल साहको संयोजकत्वमा पशु सेवा शाखा कार्यालय दुहवी, सुरक्षाकर्मी, पत्रकार लगायतको टोलीले दुहवी नगरपालिकाका १३ पशुवधशालाहरु र भेटनेरी पसलहरुमा अनुगमन गरेको थियो ।
तीमध्ये अधिकांश पशुवधशालाहरु अव्यवस्थीत ढंगबाट सञ्चालन गरेको पाइएको थियो । पशुवधशालाहरु अत्यन्तै फोहर र दर्ता नभएको पाइएपछि एक हप्ताभित्र व्यवस्थित पार्न सञ्चालकहरुलाई सचेत गराइएको थियो ।
अनुगमनको क्रममा केही पशुबधशालाहरुमा सडेगलेका मासुसमेत भेटिएपछि सञ्चालकहरुलाई सचेत गराउँदै सडेगलेका मासु नष्ट गरिएको थियो ।
