विराटनगर, १४ वैशाख ।
मोरङको बेलबारी नगरपालिका १० मा गएराती जंगली हात्तीले स्थानीय मन बहादुर विश्वकर्माको घर भत्काएको छ। राती करिब १२ बजे जंगलबाट आएका ६ वटा हात्तीहरुको बथानले विश्वकर्माको टाटी बेरा र टिनले बनेको घर भत्काएको हो। हात्तीले विश्वकर्माको घरभित्र राखिएको खाद्यान्न समेत नष्ट गरेका छन । उनको करिब असी हजार बराबरको क्षति भएको छ। हात्तीको बथानलाई स्थानीयवासीहरुले जंगलतर्फ लखेटेका छन् ।
