काठमाडौं, वैशाख २० । राजधानीका विभिन्न स्थानमा मोटरसाइकल तथा स्कुटर प्रयोग गरी पैदल हिँडेका महिलाको सुनका गहना तथा सिक्री लुट्दै आएका एकजनालाई प्रहरीले पक्राउ गरेको छ ।
महानगरीय अपराध महाशाखा टेकुले रौतहटको झुनखुनवा–६ घर भई हाल काठमाडौंको मैतीदेवी बस्दै आएका २४ वर्षीय यासिफ सेखलाई पक्राउ गरेको हो ।
उनका साथबाट चोरीको एक थान सुनको सिक्री चुँडिएको अवस्थामा तथा लुट्न प्रयोग गर्दै आएको एउटा स्कुटरसमेत बरामद भएको प्रहरीले जनाएको छ ।
उनले वैशाख १६ गते उदयपुरको कटारी–२ घर भएकी यमुका राईको घाँटीबाट सुनको सिक्री लुटेको बताइएको छ ।
बुधबार पक्राउ गरिएका उनलाई बिहीबार थप अनुसन्धान तथा कारवाहीका लागि महानगरीय हरी परिसर काठमाडौं पठाइएको छ ।
