सिरहा, बैशाख २४ । सिरहामा अज्ञात समूहले गोली हानी एक युवकको हत्या गरेका छन् ।
अर्नमा गाउँपालिका १ बुढियाचामका २२ बर्षीय धर्मेन्द्र सिंहको हत्या भएको हो ।
मोटरसाइकलमा आएका तीन जनाको समूहले गोली हानी हत्या गरेर फरार भएको स्थानीयले बताएका छन् ।
घर नजिकको किराना पसलमा बसिरहेका बेला सिंहमाथि आक्रमण भएको हो । उनको उपचारका क्रममा मृत्यु भएको प्रहरीले जनाएको छ ।
घटनामा संलग्न रहेको आशंकामा प्रहरीले एक जनालाई पक्राउ गरेको छ । घटनाको अनुसन्धान भइरहेको प्रहरीले जनाएको छ ।
