धादिङ, ३० वैशाख । धादिङमा रोकिराखेको दुई वटा कन्टेनरमा आगजनी भएको छ । राति ३ बजेतिर नचिनेका मानिसको समूहले आर जे ४२ बी ए ०७५६ र आर जे ४२ बी ए ५०२१ नम्बरको भारतीय कन्टेनरमा आगजनी गरेको प्रहरीले जनाएको छ । धादिङ धुनिबेंशी नगरपालिका ६ चालिसेमा रोकेर राखिएको गाडीमा आगजनी भएको हो । गाडीमा लागेको आगो निभाउन काठमाडौंबाट दमकल लगिएको थियो । यस्तै, आगो फैलिन नदिन डोजरमार्फत आगो लागेको वरिपरी माटो हालिएको थियो ।घटनाको अनुसन्धान भइरहेको प्रहरीले जनाएको छ । आगजनी पछि बिजुली तार जलेको छ । बिजुलीको तार जल्दा त्यहाँ अहिले विद्युत आपूर्ति बन्द भएको छ ।
