विराटनगर, ३० वैशाख। सुनसरीको इटहरीमा शनिबार मुलुकमै पहिलो पटक भैंसी सुन्दरी प्रतियोगिता आयोजना गरिएको छ ।
वातावरण तथा पर्यावरण संरक्षण केँन्द्र नेपालको आयोजनामा इटहरी हवाई चौकमा सम्पन्न भैंसी सुन्दरी प्रतियोगिताको ताज इटहरीकोे "हिरा" नाम दिइएको भैँसीले जित्न सफल भएको छ ।
इटहरीकी मिठुमायाँ कार्कीले पालेको भैसीले ३ दर्जन भैसीलाई जितेर विजेता बनेको थियो । प्रतियोगिताको विजेतालाई ११ हजार नगद दिइएको छ ।
यस्तै इटहरीका नरबहादुर कार्कीले पालेको चम्पा नामक भैंसी दोस्रो हुँदै ९ हजार नगद जितेको छ । इटहरीकै बेधनिधि दाहालले पालेको काली भैंसी तेस्रो भएर नगद ३ हजार ५ सय रुपैया जितेको छ ।
प्रतियोगितामा जिल्लाका तीन दर्जन वढी भैसीलाई प्रतिस्पर्धामा उत्रिरिएको थियो । किसानलाई उत्साहित गर्न भैसी सुनदरी प्रतियोगिता गराइएको आयोजक संस्थाका अध्यक्ष टंक दाहालले जानकारी दिए ।
भैसी सुन्दरी प्रतियोगितामा भैसीको स्वास्थ्य, सफाइलाई आधार मानेर छनौट गरिएको थियो । प्रतियोगितमा सहभागिता जनाउने भैंसीहरुको ८० हजार बराबरको बिमाको ब्यवस्था पनि गराइएको थियो ।
प्रतियोगितामा इटहरी वडा नं १, २, ३, ४ र २० बाट ३८ वटा भैंसीहरु सहभागी भएका आयोजक संस्थाले जनाएको छ । सबै भैंसीलाई अथितिको विल्ला भिराइएको थियो । पहिलो पल्ट नौलो किसिमकोसुन्दरी प्रतियोगिता भएकाले हर्ने आउनेहरुको घुइँचो लागेको थियो ।(अनलाइन खबरको सहयोगमा)
