वुटवल, ३१ बैशाख ।
बर्षासँगै आएको पहिरोका कारण बुटवल–पाल्पा सडक खण्डमा पहिरो गएको छ । पहिरोका कारण बिहानैदेखि बुटवलबाट पाल्पा तथा पहाडी जिल्लामा जाने यातायातका साधनहरु चल्न सकेका छैनन । 
राति १ बजेबाट पहिरोको कारण दोभान–बुटवल सडकखण्डको हेडबक्सनिर सडक अबरूद्ध बनेको हो । सडक अबरुद हुदा यात्रुहरु बाटोमै अलपत्र परेका छन । पहिरो हटाउने काम सुरु भएको जिल्ला प्रहरी कार्यालय रुपन्देहीले जनाएको छ । सडक अवरुद्ध हुँदा पाल्पा– गुल्मी, स्याङजा –पोखरा र बुटवल जाने आउने गाडी रोकिएका छन् । बिहान सात बजेदेखि पहिरो हटाउन थालिएको पाल्पा प्रहरीले जनाएको छ । पहिरो हटाउन पाल्पाको झुमसाबाट डोजर लगिएको र अबको तीन चार घण्टामा बाटो खुलाउने प्रयास भइरहेको प्रहरीले जनाएको छ । 
म्याग्दीको अन्नपूर्ण गाउँपलिका २ भुरुङ तातोपानी बजारमा पहिरोले चारवटा घर पुरेको छ । बेनी जोमसोज सडकखण्डमा खसेको लेदो सहितको पहिरोले चारवटा घर पुरेको म्याग्दी प्रहरीले जनाएको छ । प्रहरीका अनुसार अरु १२– १३ घरमा पनि पहिरोले क्षति पुर्याएको छ । हिजो बेलुकी ५ बजेतिर भेलसहितको पहिरो बस्तीमा खसेको हो । भेल बग्न थालेपछि बस्तीका बासिन्दाले भागेर ज्यान जोगाएका छन् । अहिले डोजर लगाएर भेल तर्काउने काम भइरहेकोले जोखिम नरहेको प्रहरीले जनाएको छ ।आइतबार रातिको झरीका कारण पहिरो जाँदा ठाउँ – ठाउँमा गाडीको आवागमन प्रभावित भएको छ ।
