प्रि मनसुनका कारण वायुमण्डलमा जलवाष्पयुक्त वायुको मात्रा बढी भएकाले पूर्वी स्थानको आकाश केही खुले पनि पूर्वी पहाडी क्षेत्रमा अपराह्नपछि मेग गर्जनसहित छिटफुट वर्षा हुनसक्ने महाशाखाका मौषमविद् सुवास रिमालले जानकारी दिए ।
मार्च, अप्रिल र मे महिनाबाट प्रि मनसुन सुरु भएकाले विगत दुई दिनयता वर्षा भइरहेको हो ।
नेपालमा औषत जुन १० बाट मनसुन सुरु हुने र यो अगस्टसम्म रहने मौषमविद् रिमालले बताए ।
यस्ता छन् वैशाखमै वर्षा हुने ३ कारण
हाल उत्तर प्रदेश, बिहार आसपास रहेको न्यून चापीय क्षेत्रका कारण नेपालमा बदली रहेको महाशाखाले जनाएको छ ।
“यसका साथै जमिन सतहभन्दा १ हजार ५ सय मिटर वा जमिन सतहभन्दा केहीमाथि दक्षिणपूर्वी वायुले ल्याएको जलवाष्पका कारण हाल बदली रहेको छ,” मौषमविद् रिमालले भने, “हाल बदली रहनुमा उच्च वायुमण्डलमा रहेको पश्चिमी न्यून चापीय प्रणाली पनि देखिएको छ ।”
मङ्गलबार बिहानबाट उपत्यकासहित देशको मध्य र पश्चिम क्षेत्रमा लगातारको बदली हट्ने र पूर्वी पहाडी क्षेत्रमा मेघ गर्जन र असिनासहित छिटफुट वर्षा हुने उनले स्पष्ट पारे ।
