बिराटनगर जेठ १,
नेपाल सरकारले ल्याएको स्वास्थ्य बिमा कार्यक्रम बिराट मेडिकल कलेज टिचिङ हस्पिटलमा औपचारीक रुपमा सन्चालन भएको छ । राष्ट्रिय बिमा नीति २०७१ ले कार्यक्रम दीर्घकालीन लक्ष्य र मुख्य उद्देश्य निर्धारण गरेपछि कार्यक्रम लागू भएको हो।
यो कार्यक्रमले गुणस्तरीय स्वास्थ्य सेवाको पहुँच र उपभोगमा सुधार ल्याउने छ भने यसबाट सम्पुर्ण नेपाली नागरिकहरु लाभान्वित हुनेछन्। विशेष गरी बिमा कार्यक्रमबाट गरिब र पिछडिएका अतिविपन्न महिला, दलित, जनजाति वर्गहरुलाई ठूलो राहत पुग्नेछ ।
स्वास्थ्य बिमा कार्यक्रम अन्तर्गत सदस्यता लिएका कुनै पनि नेपाली नागरिकले बिराट मेडिकल कलेज टिचिङ हस्पिटलमा कार्यक्रमले प्रदान गरेको परिचय पत्र लिएर आएमा यो कार्यक्रमले तोके अनुरुपको स्वास्थ्य उपचार सेवा नि:शुल्क प्राप्त गर्न सक्ने छन् ।
हाल बिराट मेडिकल कलेज टिचिङ हस्पिटलले न्युन शुल्कमा गुणस्तरीय, विश्वस्तरीय र अत्याधुनिक बहुआयामिक बिशिस्ट सेवाहरु प्रदान गर्दै पुर्वान्चल मै उत्कृष्ट अस्पताल बन्न सफल भएको छ । अस्पतालले अत्याधुनिक प्रबिधिहरु भित्रयाउदै यस भेगका जनताहरुलाई अझ बढी विशेषज्ञ स्वास्थ्य सेवा प्रदान गरिरहेको छ । अब अन्य महङ्गा महङ्गा नर्सिङ होम तथा हस्पिटलमा उपलब्ध सम्पुर्ण स्वास्थ्य सेवाहरु यहि उपलब्ध रहेकोले मेहिनेत गरी आर्जन गरेको धन स्वस्थ्य उपचारको नाममा ठगीबाट बच्नु पर्ने आवश्यकता रहेको छ ।
स्वास्थ्य बिमा गर्नेले के पाउँछन् ?
वार्षिक २ हजार ५ सय रुपैयामा ५ जना परिवारको स्वास्थ्य बिमा गर्न सकिने र यसबाट एक जनाले एक पटक ५० हजार बराबरको सेवा सुविधा निःशुल्क रुपमा लिन सक्ने छन् । पाँचै जना एकैपटक बिरामी परे एक जना सदस्यले १० हजार बराबरको सेवा नि:शुल्क लिन सकिने ब्यवस्था छ ।
५ जनाभन्दा बढी परिवार हुनेका लागि ४२५ रुपैयाँ थप हुने र सेवा थप १० हजारले वृद्धि हुने गर्छ । ५ जनासम्मको परिवारले दैनिक ७ रुपैयाँ छुट्याउँदा एक वर्षका लागि योगदान रकम जम्मा हुने र यो रकम फिर्ता हुदैन । स्वास्थ्य बिमा गर्नेहरुले स्वास्थ्य परिक्षण र ल्याब जाँच नि:शुल्क गर्न पाउनेछन् भने १ हजार १ सय १८ प्रकारका औषधि पनि नि:शुल्क पाउने छन्
अबको केही महिनापछि नेपालका ३९ जिल्लामा कार्यक्रम यो लागू हुदैछ । हालसम्म ३० जिल्लामा ५ लाख ५० हजारभन्दा बढी व्यक्तिले स्वास्थ्य बिमा गराएका छन् ।
कसरी गर्न सकिन्छ स्वास्थ्य बिमा ?
स्वास्थ्य बिमाका लागि सहयोगीहरु स्थानीय सर्वसाधारणकै घरघरमा पुग्नेछन् । यदि कुनै व्यक्तिले स्वास्थ्य बिमा गर्न चाहेको खण्डमा सहयोगीहरु घरमा नै पुगेर बिमाका बारेमा जानकारी गराउने, फोटो खिच्ने र फाराम भर्ने गर्छन् । त्यसपछि तत्कालै स्वास्थ्य बिमा गरेका व्यक्तिलाई कार्ड उपलब्ध गराइनेछ ।
५ जना परिवारले स्वास्थ्य बिमा गरेका छन् भने ५ वटै कार्ड तथा परिचय पत्र उपलब्ध स्वास्थ्य बिमाले उपलब्ध गराउने छ । उक्त कार्डका आधारमा नै बिरामी पश्चात्त ५० हजार रुपैया बराबरको सेवा लिन सकिने व्यवस्था छ । यदि ५० हजारभन्दा बढी खर्च भएको खण्डमा बिरामी आफैंले बेहोर्नुपर्ने छ ।
वर्षौंपिच्छे स्वास्थ्य बिमा बोर्डले उपलब्ध गराएको कार्ड नवीकरण गर्नुपर्ने हुन्छ । यस बापत वार्षिक दुईहजार ५ सय बिमा बोर्डलाई बुझाउनु पर्ने हुन्छ । परिवाको एक जना सदस्य बिरामीलाई मात्रै ५० हजार रुपैयाँ खर्च लागेको खण्डमा अरु सदस्य विरामी पर्दा लाग्ने खर्च आफैले बेहोर्नुपर्ने हुन्छ ।
बिराट मेडिकल कलेज टिचिङ हस्पिटलमा स्वास्थ्य बिमा कार्यक्रम सन्चालनबाट मोरङ, झापा, सुनसरी लगायत अन्य सम्पुर्ण जिल्लाका नागरिकहरु लाभान्वित हुनेछन् ।
