डोलीलाई बिर्तामोडका भूवन भट्टराईले गुरुकुलमा भर्ना गर्न आग्रह गर्दा विद्यालय प्रशासन शाखाले अस्वीकार गरेका थियो । शिक्षा जस्तो क्षेत्रमा पनि भेदभाव भएकोले बालबालिकाको अधिकार खोसिएकाले बाध्य भएर गुरुकुलमा तालाबन्दी गरिएको संगठनका केन्द्रीय अध्यक्ष टिकाराम मंग्रातीले बाताए । “ज्ञानको ज्योति पाउने ठाउमा पनि यस्तो हुन्छ भन्ने कल्पना पनि गर्न सकिन्न” उनले भने, “विद्यालयले बालबालिकाको मौलिक हक हनन् गरेकोले हामीले बाध्य भएर तालाबन्दी गरेको हौँ ।”
विद्यार्थी संगठन र गुरुकुलका व्यवस्थापन पक्षसंग छलफल गर्दा पनि निश्कर्ष टुंगो नआएपछि आन्दोलित भएको अध्यक्ष मंग्रातीले बताए । छलफलमा गुरुकुल सञ्चालक समिति अध्यक्ष राजेन्द्र चापागाईका अनुसार आजसम्म कोही दलित विद्यार्थी भर्ना लिन नआएकोले यसको अभ्यास नै नभएको प्रतिक्रिया दिए ।