भौतिक पूर्वाधार तथा यातायातमन्त्री रघुवीर महासेठले यातायात क्षेत्रको एकाधिकार तोड्न विशेष भूमिका खेलेका उनलाई विभागबाट हटाएर मन्त्रालयमा ल्याउने निर्णय गरेका हुन् ।
गत बुधबार मन्त्री महासेठले भट्टराईलाई मन्त्रालयमा तान्ने पत्र तयार पार्न लगाएको बुझिएको छ ।
तर, मन्त्रालयका सचिवले पत्रमा हस्ताक्षर गर्न नमानेपछि पत्र बुझाउन ढिलाइ भएको थियो ।
तर, शुक्रबार मन्त्रालयका सहसचिव ध्रुव जोशीले हस्ताक्षर गरेको पत्र महानिर्देशक भट्टराइलाई थमाइएको हो ।
भट्टराईले यातायात व्यवस्थापन कार्यविधि निर्देशिका संशोधन तथा नयाँ कार्यविधि बनाउन सक्रिय भूमिका निभाएका थिए ।
गत चैत १८ गते यातायात व्यवस्था विभागले यातायात व्यवस्थापन कार्यविधि ल्याएसँगै यातायात व्यवसायीहरू उक्त कार्यविधि खारेज गर्नुपर्ने र महानिर्देशक भट्टराईलाई हटाउने ‘लबिङ’मा लागेका थिए ।
