विराटनगर ४ जेठ । टंकिसिनुवारीमा रहेको जेभियर्स इङ्गलिस स्कूलमा शैक्षिक शत्र–२०७५ को लागि स्कूलका क्याप्टेन जीवन अधिकारी तथा भाइस क्याप्टेन निरज माझी र नुमा लिम्वूलाई चयन गरेको छ । त्यसैगरी जेभियर्स इङ्गलिस स्कुल वालक्लब अध्यक्षमा एलिना खतिवडा निर्वाचित भएकी छिन ।
विभिन्न कक्षामा नयाँ भर्ना भएका दुई सय तेह्र जना छात्र छात्रालाई समेत बिद्यालयले स्वागत गरेको छ । स्कूलका नीति, नियम तथा भावी योजनाका वारेमा विद्यालयका प्रिन्सिपल परेश पोखरेलले जानकारी दिएका थिए ।
विद्यालयका अध्यक्ष जीतनारायण थापा मगर, संस्थापकहरु सरीताकुमारी राना, जनक ढकाल, रेवन्तकुमार श्रेष्ठ, चन्द्रमणी रिजाल, तुलसी खतिवडा, आर।सी कोइराला लगायतको उपस्थिति थियो ।
जेभियर्सको पठन–पाठन तथा शैक्षिक वातावरणलाई विश्वास गरी नयाँ भर्ना भएका विद्यार्थीहरु तथा अभिभावकहरुको भावनालाई मध्यनजर गरी शैक्षिक उन्नयनलाई थप उजागर गर्दै यस क्षेत्रकै नमुना विद्यालय वनाउनेप्रिन्सिपल पोखरेलले वताए ।
