ईलाम, जेष्ठ ५ गते।
ईलामको माङसेबुङ गाउँपालिका २ रक्से बस्ने धनजित राईको घरमा शुक्रबार आगलागी भएको छ। आगलागीबाट करिब १८ लाख ५३ हजार ५ सय रुपैया बराबरको धनमाल नष्ट गरेको बताइएको छ।
राईको घरमा दिउँसो कोही नभएको बेला सोलार प्यानल सर्ट भई आगो लागेको हो। आगलागीबाट ढुङा, माटो, काठ र टिनले बनेको दुई तले घर, घरभित्र राखिएको नगद साढे त्रिपन्न हजार रुपैया, अन्नपात, लत्ताकपडा भाडावर्तन र साउण्ड सिस्टम जलेका छन।
आगलागीबाट उनको घरमा राखिएको आकाशे खानेपानी संस्था माङसेबुङको खानेपानीको पाईप लगायतका सामान समेत नष्ट भएका छन। दिउँसो २ बजेतिर लागेको आगो स्थानीयवासी र प्रहरीको सहयोगमा अपरान्ह १६१५ बजे नियन्त्रणमा आएको थियो।
