विराटनगर, जेष्ठ ६ गते ।
विराटनगर महानगरपालिका ४ निमुवाबाट शनिबार लागुऔषधसहित दुई युवक पक्राउ परेका छन।
कोशी राजमार्ग अन्तरगत मोरङको निमुवामा शनिबार साँझ सवारी चेकजाँच गर्नेक्रममा मकवानपुर जिल्ला हेटौटा-४ बस्ने दिपेश श्रेष्ठ र सुनसरी धरान-११ बस्ने उमेश भट्टराईलाई प्रहरीले ३० एम्पुल टिडिजेसिकसहित पक्राउ गरेको हो।
उनीहरुको साथबाट लागुऔषध एभिल १० एम्पुल, डाइजेल्याब १० एम्पुल, लुपिजेसिक १० एम्पुल बरामद भएको छ।
बरामद लागुऔषधसहित दुबै जनालाई इलाका प्रहरी कार्यालय निमुवामा राखिएको छ।
