काठमाडौं, १५ जेठ–राष्ट्रपति विद्यादेवी भण्डारीले मन्त्रिपरिषद्को सिफारिसमा तेम्बा शेर्पासमेत ८१६ जना कैदीहरुको भुक्तान हुन बाँकी कैद सजाय मिनाह गरेकी छिन् । नेपालको संविधानको धारा २७६ बमोजिम माफी भएको हो ।
एघारौं गणतन्त्र दिवस, २०७५ को उपलक्ष्यमा असल चालचलन भई कैदको सजाय छोट्याउन योग्य र उपयुक्त देखिएका उनीहरुको कैद मिनाहा भएको राष्ट्रिपति कार्यालयका प्रवक्ता छविन्द्र पराजुलीले जारी गरेको विज्ञप्तिमा उल्लेख छ ।
