२४ घण्टा प्रहरीको उपस्थिति रहने इटहरीको मुख्य चोक नजिक सटर फोडेर दुईवटा पसल चोरी भएका छन् ।
इटहरी उपमहानगरपालिका–६ स्थित मुख्यचोक नजिक मेरो कम्युनिकेशन मोवाईल पसल र खेतीखोला नजिकै रहेको पशुपति रोड केरियर गरि दुई ठाँउमा गए राति एकै पटक चोरी भएको हो । दुबै पसल गरी १० लाख रुपैयाँ बढिको सामान र नगद चोरी भएको ब्यवसायीहरुले बताएका छन् ।
मेरो कम्युनिकेशन मोवाईल पसलका संञ्चालक दीपक कायस्थले आफ्नो मोवाईल पसलबाट कम्तिमा ८ लाख बढी मूल्य बराबरको मोवाईलहरु चोरी भएको बताए । चोरी विहानको समयमा भएको कायसले बताए । ४ बजे सुरक्षा गार्ड घर जाने समय भएकाले सोही मौकाका पारेर सटर फोडेर चोरी भएको कायस्थको भनाई छ ।
यस्तै खेती खोला नजिक रहेको पशुपति रोड केरियरमा पनि सटर फोडेर गल्ला भित्र रहेको दुई लाख ५० हजार नगद चोरी भएको व्यवसायी केशव प्रसाद गेलालले जानकारी दिएका छन् । ब्यापारीहरुले प्रहरी प्रशासनको कमजोरीकै कारणले चोरी भएको आरोप लगाएका छन । यता प्रहरीले घटनाको अनुसन्धान थालेको इटहरी प्रहरीले बताएको छ ।
