काठमाडौंका गोंगवु, ठमेल, कोटेश्वर, वानेश्वर, वालाजुलगायतका क्षेत्रमा सञ्चालित होटल, बार, रेष्टुरेन्टमा कार्यरत ३९ बालिकाको उद्धार गरिएको छ । महानगरीय प्रहरी परिसर काठमाडौंले बालिकालाई शारीरिक शोषण, मानसिक दुव्र्यवहारलगायत कार्यमा लगाई पारिश्रमिक समेत नदिएको सूचनाको आधारमा छापा हानेको हो ।
परिसरका डिएसपी मोहन थापाका अनुसार ठमेल क्षेत्रबाट ३ जना, कोटेश्वरबाट २, वालाजुबाट ११, गोंगबुबाट १४ र बानेश्वर क्षेत्रबाट ९ जना बालिकाको उद्धार गरिएको हो । उद्धार गरिएका ७ जनालाई सिविन नेपालमा र ३२ जनालाई माइती नेपालमा पठाइएको डिएसपी थापाले बताए ।
