विराटनगर, २० जेठ ।
नेपाल भारत सिमा क्षेत्र सुरक्षा अधिकारीको बैठक आज झापामा शुरु हुँदैछ । नेपाल तफृबाट मोरङ ,सुनसरी र झापामा सुरक्षा अधिकारी, प्रमुख जिल्ला अधिकारी तथा नापी र सहरी विकासका अधिकारीहरुको सहभागीता रहने छ भने भारतको अररिया, किसनगन्ज र सुपौल जिल्लाका सुरक्षा अधिकारीहरुको उपस्थिती रहने छ । झापाको चन्द्रगढीमा बिहान ११ बजे देखि बैठक शुरु हुने मोरङका प्रमुख जिल्ला अधिकारी रामप्रसाद आचार्यले जानकारी दिए । प्रमुख जिल्ला अधिकारी सहितको टोली र सुरक्षा अधिकारीहरुको बैठकपछि ३ जिल्लाको सुरक्षाको अबस्थाको बारेमा साझा धारणा सार्बजनिक हुने जनाईएको छ।
