काठमाडौं, जेठ २० । राष्ट्रकवि माधवप्रसाद घिमिरे फेरि अस्पताल भर्ना भएका छन् ।
भारतमा उपचार गरेर फर्किएको भोलिपल्टै घिमिरेलाई ग्राण्डी अन्तर्राष्ट्रिय अस्पतालमा उपचारका लागि भर्ना गरिएको हो ।
आईसीयुमा उपचाररत घिमिरेमा निमोनिया देखिएको उपचारमा संलग्न चिकित्सकहरुले बताएका छन् । स्वास्थ्यमा समस्या आएपछि घिमिरे जेठ पहिलो साता अस्पताल भर्ना भएका थिए ।
मुटु, मिर्गौला र फोक्सोमा समस्याका साथै आन्तरिक रक्तश्राव भएपछि थप उपचारका लागि उनलाई जेठ ९ मा भारत लगिएको थियो । मेदान्त अस्पतालमा उपचारपछि उनलाई शनिबार नेपाल ल्याइएको थियो ।
