विराटनगर, २१ जेठ । विराटनगर महानगरपालिका १० बसपार्कबाट सोमबार लागुऔषधसहित दुई जना पक्राउ परेका छन। सुनसरी धरान उपमहानगरपालिका २ बस्ने गौतम राई र ईटहरी २० तरहरा बस्ने अजय अछामीलाई प्रहरीले २ सय २५ एम्पुल टिडिजेसिक ईन्जेक्सन सहित वडा प्रहरी कार्यालय विराटनगरको टोलीले पक्राउ गरेको हो । प्रहरीले चेकजाँचका क्रमम दुबै जनाको साथबाट एभिल ७५ एम्पुल, लुपिजेसिक ७५ एम्पुल र डाईजेलाभ ७५ एम्पुल बरामद गरेको थियो। दुबैलाई थप अनुसन्धानका लागी वडा प्रहरी कार्यालयमा राखिएको छ।
