काठमान्डौ असार ७ , सार्वजनिक सवारी चालकलाई अब चाँडैबाट पोशाक अनिवार्य गरिने भएको छ ।
यस विषयमा गृह मन्त्रालय र महाशाखाबीच हुने तयारी अन्तिम चरणमा पुगेको र अब चाँडैबाट यो नियम कार्यान्वयन गरिने प्रमुुख वसन्त पन्तले जानकारी दिए ।
सार्वजनिक सवारीका चालक र सहचालकको पहिचान र उनीहरुलाई यात्रुबाट हुनसक्ने अपमान न्युनीकरणमा पोशाकले भूमिका खेल्ने भन्दै महाशाखाले यस्तो नियम जारी गर्ने भएको हो ।
सोही कार्यक्रममा यातायात व्यवस्था विभागले गत चैत १८ मा जारी गरेको १० बुँदे निर्देशिकाअनुसार स्कुलबस सञ्चालनको मापदण्ड तोकी उक्त निर्देशिका कडाइका साथ कार्यान्वयन गरिने विभागका कामु महानिर्देशक प्रेमकुमार सिंहले बताए ।
