झापा, असार १० गते।
मेची राजमार्ग अन्तरगत झापाको बुद्धशान्ति गाउँपालिकामा आइतबार टिपरको ठक्करबाट मोटरसाइकल चालकको मृत्यु भएको छ।
बा १ ख ६५८१ नम्बरको गिट्टी बोकेको टिपरले मे ७ प ४१८२ नम्बरको मोटरसाइकललाई ठक्कर दिंदा मोटरसाकलका चालक बुद्धशान्ति- ४ बस्ने २४ वर्षीय लक्ष्मण खतिबडाको घटनास्थलमा नै मृत्यु भएको छ।
टिपरको ठक्करबाट मोटरसाइकल पछाडी सवार २५ वर्षीय साईल शेर्मा घाइते भएका छन। घाइतेको बिएण्डसी अस्पताल बिर्तामोडम उपचार भईरहेको छ।
उत्तरबाट दक्षिणतर्फ जादै गरेको नम्बरको गिट्टी बोकेको टिपरले बुद्धशान्ति गाउँपालिका ३ बेसीचौकमा दिँउसो २ बजे सोही दिशामा रहेको मोटरसाइकलाई पछाडीबाट ठक्कर दिएको थियो।
दुर्घटना पश्चात टिपरका चालक टिपर छाडेर फरार भएकाले प्रहरीले टिपर नियन्त्रणमा लिई चालकको खोजी शुरु गरिएको इलाका प्रहरी कार्यालय बुधबारेले जनाएको छ।
