बिराटनगर असार १० , विराटनगरस्थित कोशी राजमार्गमा आइतबार बिहान मोटरसाइकल दुर्घटना हुँदा मोटरसाइकलका चालक सुनसरी धरान-१६ बस्ने २२ वर्षीय अजय राईको उपचारका क्रममा मृत्यु भएको छ।
आफैले चलाएको को २९ प ४२२५ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएका अजयको नोबेल अस्पताल विराटनगरमा बिहान ९ बजे मृत्यु भएको जिल्ला प्रहरी कार्यालय मोरङले जनाएको छ।
सोही मोटरसाइकल पछाडी सवार धरान-१० बस्ने ३६ वर्षीय उमेश राईको अवस्था गम्भीर रहेको छ। उनको सोही अस्पतालमा उपचार भईरहेको छ।
