बिराटनगर , असार १० गते ।
विराटनगर-२ स्थित पूर्वाञ्चल व्यवस्थापन कलेजका बिधार्थीहरुलाई साइबर अपराध सम्बन्धि सचेतना प्रदान गरिएको छ।
जिल्ला प्रहरी कार्यालय मोरङ र सामुदायिक सेवा केन्द्र तिनपैनीको आयोजनामा शुक्रबार प्रहरीले कलेजका विधार्थीहरुलाई साइबर अपराध सम्बन्धमा जानकारी गराएका हुन्।
कलेजको कक्षा ११ र १२ मा पढ्ने ९० जना विधार्थीहरुलाई मोरङका प्रहरी प्रमुख प्रहरी उपरीक्षक मनोज कुमार के.सी. ले सूचना र प्रविधिको बिकास सँगसँगै त्यसको सही प्रयोग नगर्नाले हालका दिनहरुमा साईबर क्राईम सम्बन्धी बिभिन्न किसिमका अपराधिक घट्नाहरू बढिरहेको हुँदा समयमै सजग एवं सावधान हुन अनुरोध गर्नु भएको थियो ।
त्यसैगरी जिल्ला प्रहरी कार्यालय मोरङका प्रहरी सहायक निरीक्षक राकेश कुमार राईले बिद्यार्थीहरूलाई साईवर अपराध, अपराध सम्बन्धमा उजुरी दिने स्थानहरु तथा कानूनी ब्यवस्था एवं साईवर क्राईम हुन/गर्न नदिन अपनाउनु पर्ने उपायहरुका बारेमा बताएका थिए।
कार्यक्रममा क्याम्पस चिफ सोनिला शाक्य, सामुदायिक सेवा केन्द्र तिनपैनीका अध्यक्ष मीना जोशी र अन्य पदाधिकारीहरू समेत सहभागी थिए।
