काठमाडौं, १६ असार । काठमाडौंको माइतीघर मण्डलालाई सरकारले विरोध प्रदर्शनका लागि निषेधित क्षेत्र घोषणा गरेको विरोधमा प्रदर्शनमा उत्रेका विवेकशील साझा पार्टीका संयोजक उज्ज्वल थापासहित प्रदर्शनकारीलाई प्रहरीले पक्राउ गरेको छ ।
माइतीघर मण्डलामा भइरहेको प्रदर्शनमा हस्तक्षेप गर्दै प्रहरीले थापा सहितका प्रदर्शनकारीलाई नियन्त्रणमा लिएको हो । माइतीघर मण्डला क्षेत्रमा प्रदर्शन गर्न पाउनुपर्ने विवेकशील साझा पार्टी लगायतको माग रहेको छ । सरकारले माइतीघरको सौन्दर्यता र संरक्षणका लागि आन्दोलन गर्न निषेध गरेको थियो ।
