मोरङ, असार १९ ।
मोरङको बेलबारी नगरपालिका १० लक्ष्मीमार्गमा गएराती जंगली हात्तीको आक्रमणबाट एक जनाको ज्यान गएको छ।
जंगली हात्तीले आक्रमण गर्दा मोरङ जहदा गाउँपालिका ४ बस्ने अन्दाजी ५५ वर्षीय रघु महतोको मृत्यु भएको इलाका प्रहरी कार्यालय बेलबारीले जनाएको छ।
पूर्व पश्चिम राजमार्ग अन्तरगत भाउन्ने-लक्ष्मीमार्ग सडक खण्ड मर्मत कार्यमा खटिएका महतोलाई आइतबार राती जंगल नजिकै टेन्टमा सुतीरहेको अवस्थामा हात्तीले आक्रमण गर्दा उनको घटनास्थलमै मृत्यु भएको थियो।
महतोसंगै सुतेका अन्य दुई जना भने भाग्न सफल भएका छन।
