विराटनगर, २० असार ।
तराईमा अत्याधिक गर्मी र वर्षाका कारण सर्पको बिगविगी बढेको छ । सर्पको बिगबिगी बढेसँगै विराटनगरको कोशी अञ्चल अस्पतालमा सर्पदंशका बिरामी वृद्धि भएको छ । त्यस्तै गर्मी बढेसँगै झडापखालाका बिरामी पनि बढेको अस्पताल प्रशासनले जनाएको छ ।
विरामीको चाप बढेसँगै कोशी अञ्चल अस्पतालको आकस्मिक कक्षमा विरामीहरुलाई झ्यालमा समेत राखेर उपचार गर्नु परेको छ । आकस्मिक सेवाका प्रकाश साहले अस्पतालमा दैनिक १० जना जति सर्पले टोकेको विरामीहरु आउने गरेकाका जानकारी दिए । केही दिन यता देखि वर्षा शुरु भएकाले राति हिड्दा सतर्क भएर हिड्ने र कुनै पनि किराले टोक्दा छिटो भन्दा छिटो अस्पताल ल्याउन चिकित्सकहरुले आग्रह गरेका छन् । सर्पले टोकेको विरामीलाई अझै पनि झारफुक गराउने प्रवृत्ति रहेकोले तत्काल अस्पताल पु¥याउन आग्रह गर्दै चिकित्सकहरुले कुनै पनि सर्पले टोकेको विरामी बचाउन सकिने बताएका छन् ।(न्युज २४)
