विराटनगर, २१असार ।
मोरङको बेलबारीमा बसको ठक्करबाट मोटरसाईकलमा सवार दुई जनाको मृत्यु भएको छ । पूर्व पश्चिम राजमार्ग अन्तर्गत पश्चिमबाट पूर्वतर्फ जाँदै गरेको को १ ख ६४३५ नम्बरको बसले विपरित दिशा तर्फ जाँदै गरेको को २७ प ४१६४ नम्बरको मोटरसाईकललाई ठक्कर दिएको थियो । दुर्घटनामा परी मोटरसाईकलको पछाडी सवार भोजपुर पौवादुङबा गाउँपालिका ५ का ३३ बर्षिय जय नारायण तामाङको घटना स्थलमै मृत्यु भएको हो । त्यस्तै मोटरसाईकल चालक सुनसरी ईटहरी १ का ३८ बर्षिय खगेन्द्र तामाङको उपचारको क्रममा धरानमा रहेको वि.पी. कोईराला स्वास्थ्य बिज्ञान प्रतिष्ठानमा उपचारको क्रममा मृत्यु भएको ईलाका प्रहरी कार्यालय बेलवारीले जनाएको छ । ठक्कर दिने बस, चालकलाई अस्थायी प्रहरी चौकी कानेपोखरीले नियन्त्रणमा लिईएको छ ।
