काठमाडौँ, २२ असार । अनशनको छैटौं दिन डा. गोविन्द केसीलाई कर्णाली स्वास्थ्य विज्ञान प्रतिष्ठान (शिक्षण अस्पताल) को ‘आईसीयू’ मा राखिएको छ । उनले आईसीयूमै अनशन जारी राखेका छन् । पाँच दिनसम्म कभर्डहलमा अनशन बसेका उनलाई बुधबार उपचारका लागि अस्पताल ल्याइएको थियो ।
उपचारमा संलग्न चिकित्सकीय टोलीका संयोजक डा. प्रवीण गिरीका अनुसार डा. केसीको स्वास्थ्य स्थिर छ । ‘उहाँले सघन उपचारकक्षमै अनशन जारी राख्नुभएको छ,’ गिरीले भने, ‘हामीले उपचार पनि गरिरहेका छौं ।’ अस्पतालमा सघन उपचारकक्ष नभए पनि सोहीसरहको सेवासुविधा व्यवस्था गरी डा. केसीको उपचार भइरहेको प्रतिष्ठानले जनाएको छ । अाजकाे कान्तिपुर दैनिकमा खबर छापिएकाे छ ।
