रौतहट, असार २४ । अज्ञात समूहले प्रहार गरेको गोली लागेर रौतहटमा एक व्यक्ति घाइते भएका छन् ।
सुवर्णपुर नगरपालिकाका किशोरी साह कानुमाथि देवाही गोनाही नगरपालिका–४ स्थित बकैया खोला किनारमा गएराति गोली प्रहार भएको हो ।
ससुराली जाँदै गरेका साह माथि अज्ञात व्यक्तिले गोली प्रहार गरेका हुन् ।
उनले चढेको ना. ३५ प २१७२ नम्बरको मोटरसाइकल पनि सो समूहले लुटेर लगेको भए पनि प्रहरीले बरामद गरेको बताइएको छ ।
गोली लागेर घाइते भएका साहको गौर अस्पतालमा उपचार भइरहेको छ । गोली प्रहार गर्ने समूहको खोजी भइरहेको प्रहरीले जनाएको छ ।
