काठमाडौँ, असार २८ । गृहमन्त्रालयले उपत्यकाका काठमाडौँ, ललितपुर र भक्तपुरमा विहान ५ वजेदेखि साँझ ८ वजेसम्म टिप्पर सञ्चालनमा रोक लगाएको छ । टिप्परको ठक्करबाट प्रत्येक हप्ता सर्वसाधारणले अकालमा ज्यान गुमाउन थालेपछि यस्तो नियम लगाइएको जानकारी मन्त्रालयले दिएको छ ।
गृहमन्त्री रामबहादुर थापा बादलले तीनवटै जिल्लाका प्रमुख जिल्ला अधिकारी र महानगरीय ट्राफिक प्रहरी महाशाखालाई पत्रचार गरी उपत्यकाभित्र विहान ५ बजेदेखि साँझ ८ वजेसम्म टिप्पर सञ्चालनमा रोक लगाउन निर्देशन दिनु भएको हो ।
महानगरीय ट्राफिक प्रहरी महाशाखाका अनुसार, उपत्यकामा प्रत्येक हप्ता टिप्परको ठक्करबाट एकजनाले ज्यान गुमाउने गरेको पाइएको छ ।
यस्तै , बिराटनगरमा पनि टिप्परको ठक्करबाट दुर्घटना हुने तथा ज्यान जाने घटना हुदै आएका छन् । यस बिषयमा बिराटनगर महानगरपालिकाले पनि सोच्नुपर्ने अवस्था आएको छ ।
