काठमाडौं, ८ असार । बंगलादेशमा एमबीबीएस अध्ययनरत नेपाली छात्राको विषयमा जथाभावी बोलेको भन्दै आलोचना भएपछि कानुनमन्त्री शेरबहादुर तामाङलाई पार्टीले राजीनामा दिन निर्देशन दिएको छ । नेपाल कम्युनिष्ट पार्टी (नेकपा)को निर्देशनपछ तामाङले मंगलबार राजीनामा दिने तयारी गर्नुभएको छ । मन्त्री तामाङले बंगलादेशमा एमबीबीएस अध्ययनरत नेपाली छात्राहरुबारे आपत्तिजनक अभिव्यक्ति दिनुभएको थियो । उहाँको यो अभिव्यक्तिको चर्को आलोचना भएपछि पार्टीले उहाँलाई राजीनामा दिन निर्देशन दिएको हो ।
स्रोतका अनुसार सोमबार बेलुकी प्रधानमन्त्री निवास बालुवाटारमा बसेको नेकपाको बैठकले तामाङलाई राजीनामा दिन निर्देशन दिएको हो । पार्टीको निर्देशनपछि तामाङले पत्रकार सम्मेलन गरेर राजीनामाको घोषणा गर्ने तयारी गर्नुभएको छ ।
