विराटनगर,१२ साउन । उराव समुदायको भाषा, साहित्य र संस्कृति जगेर्ना गर्न तथा युवाहरुलाइ प्रोत्साहन गर्नका लागि प्रदेश नम्बर एकका उराव युवाहरुका लागि शनिबार एक कार्यशाला आयोजना गरिएकाे छ । उराव समुदायका युवाहरुद्वारा संचालित कुडुख कथ्था नामक समुहले आयोजना गरेको उक्त कार्यशालामा उनीहरुको क्षमता अभिवृद्धि गर्ने देखि समुह निर्माणका लागि आवश्यक पर्ने सिपका बारेमा प्रशिक्षण दिईएकाे थियाे ।
कार्यक्रममा अभियानका संस्थापक जोगेन्द्र उराव, युवा अभियन्ता विवेक दाहालले नेटवर्किगं र कम्युनिकेशन, विराटनगर बास्केट बल एकेडेमीका कोच सरोज लम्सालले खेलकुदको महत्व र युथ फर ब्लडका संस्थापक सरोज कार्कीले समुहको निर्माण र यसका प्रक्रियाका बारेमा जानकारी गराएका थिए ।
तालिममा ४० जना उराव समुदायका युवायुवतीको सहभागीता भएको कार्यक्रमबाट समुह निर्माण गरि उराव समुदायका भाषा, संस्कृति , भनाइ , संस्कारहरुका बारेमा खोज अनुसन्धान गर्ने विभिन्न ५ समुहको निर्माण गरि ३ साताको प्रारम्भिक कार्यको समयावधी समेत तोकिएको जोगेन्द्र उरावले जानकारी दिए । प्रदेश १को विभिन्न क्षेत्रबाट युवाहरुको सहभागीता रहेको कार्यक्रममा कार्यक्रमको संचालक र संयोजन निर्मला उरावले गरेकी थिइन् ।
