लन्डन– नेपाल इग्ल्याण्डको मेरिलेबोन क्रिकेट क्लब (एमसीसी) सँगको मैत्रीपूर्ण अभ्यास खेलमा ९ विकेटले विजयी भएको छ । लन्डनस्थित लड्र्स मैदानमा भएको खेलमा नेपालले एमसीसीलाई ९ विकेटले हराएको हो ।
पहिले ब्याटिङ गरेको एमसीसीले निर्धारित १६ ओभरमा ४ विकेट गुमाएर ४० रनको स्कोर बनाएको थियो । एमसीसीले दिएको ४१ रनको लक्ष्य नेपालले ८ वल बाँकी छँदै १ विकेट गुमाएर पूरा गर्यो । सुवास खकुरेलले सर्वाधि १६ रन बनाए भने ज्ञानेन्द्र मल्लले नटआउट १२ रन बनाए । अनिल कुमार साह भने ९ रन बनाएर क्याच आउट भए ।
टी(२० ट्राई सिरिजका लागि लन्डन भ्रमणमा रहेको नेपाली क्रिकेट टोलीले आजै केही वेरपछि नेदरल्याण्डसँग खेल्दै छ । नेदरल्याण्ड्स र नेपालबीचको म्याच २० ओभरको हुने छ ।
