इटहरी साउन १४ । इटहरी उपमहानगरपालिकाभित्रको तालतलैया क्षेत्रमा रहेको ठूलो पोखरीमा जेटबोट सञ्चालन गरिएको छ ।
पर्यटकहरुलाई आकर्षित गर्ने उद्देश्यले पाँच हेक्टर क्षेत्रफलमा फैलिएको तालतलैयामा एक पटकमा १० जना सवार हुन मिल्ने मोटरबाेट सञ्चालनमा ल्याइएको हो ।
तालतलैया संरक्षण तथा विकास समितिले ८ लाख ५० हजारको लागतमा सञ्चालनमा ल्याईएको समितिले जनाएको छ । एक नम्बर प्रदेशका मुख्यमन्त्री शेरधन राईले मोटरबोट सेवाको उद्घाट्न गर्दै पर्यटकीय स्थल तालतलैया क्षेत्रलाई विश्वकै एक नमुना पर्यटकीय स्थलको रुपमा विकास गरिने बताउनु भयो ।
स्थानीय तह र प्रदेश सरकारले मात्र तालतलैयालाई लक्ष्य अनुसार विकास गर्न नसकिने भन्दै मुख्यमन्त्री राईले तालतलैयाको विकासका लागि निजी क्षेत्रलाई पनि सहभागी गराईने बताउनुभयो । तालतालैया क्षेत्र केही वर्षदेखि पुर्वी नेपालका साथै भारतीय क्षेत्रबाट आउने पर्यटकहरुको आकर्षणको केन्द्र बन्दै आएको छ (न्युज २४)
