काठमाडौं । सरकारले मन्त्रालय, विभाग, महाशाखा तथा आयोजनामा कार्यरत ३२ हजार कर्मचारीलाई हटाउन लागेको छ ।
सरकारले संचालन गर्ने आयोजनाहरु प्रदेश तथा स्थानीय सरकारमा रुपान्तरण हुँदा र मन्त्रालय, विभाग तथा महाशाखाहरु कटौती हुँदा अस्थायी, करार तथा ज्यालादारी कर्मचारीले जागिर छोड्नुपर्ने अवस्था आएको हो ।
अखिल नेपाल सरकारी, करार तथा ज्यालादारी कर्मचारी श्रमिक संगठनले ३२ हजार कर्मचारी सरकारले नाटकीय ढंगबाट हटाउन लागेको भन्दै आन्दोलन सुरु गरेको छ ।
केन्द्र सरकारले संचालन गर्दै आएका परियोजना प्रदेश तथा स्थानीय सरकारले संचालन गर्ने भएपछि त्यस्ता आयोजनामा बजेट नै छुट्याइएको छैन । -राजधानी दैनिकबाट
