मोरङ, साउन ३०।
मोरङ जिल्लाको ग्रामथन गाउँपालिका-३ स्थित जुडी खोलाले बगाएर बेपत्ता भएका रंगेली नगरपालिका-२ बस्ने वर्ष ३५ को गोपाल मुडियारी र जहदा गाउँपालिका-३ हाथीनबन्दा बस्ने वर्ष १७ को मिथुन कुमार मण्डलको शव फेला परेको छ ।
साउन २७ गते आईतबार खोलामा पौडी खेल्ने क्रममा खोलाले बगाउँदा बेपत्ता भएका गोपाल मुडियारीको साउन २८ गते सोमबार साँझ र मिथुन मण्डलको साउन २९ गते मंगलबार बिहान शव फेला परेको जिल्ला प्रहरी कार्यालय मोरङले जनाएको छ ।
